Google ADS

Rahovec, ndihmohen 400 familje me miell e qumësht

14:54 | 25 Mars 2020
Arbresh.info

Në këtë gjendje nëpër të cilën po kalon vendi ynë, në një kohë kur pandemia globale Covid 19, ka marrë përmasa të shtrirjes edhe në Kosovë, bizneset tona po vazhdojnë, traditën, humanizmin dhe solidaritetin, në mbështetje të qytetarëve.

Në këtë kuadër kompanitë: “Elkos Group-Etc”, “Devolli Corporation”, “Devolli Group”, sot kanë ndihmuar 400 familje në komunën e Rahovecit me: 400 thasë miell, 800 litra qumësht dhe 800 litra lëngje.

Në donacion bëjnë pjesë artikujt themelorë strategjik, nga të cilat, për qytetarë, ndahet: 1 person (kryefamiljarë) =1 thes miell, 2 litra qumësht dhe 2 litra lëngje, artikuj këta bazik për menaxhim të kësaj faze.

Gjatë shpërndarjes, përfaqësuesit e Komunës dhe Stacioni Policor në Rahovec do të asistojnë për mbarëvajtjen e procesit si dhe mbajtjen e rendit (distancës) sipas masave të nxjerra nga institucionet tona./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm